លោកអភិសន្តិបណ្ឌិត ស សុខា បដិសេធនូវព័ត៌មានក្លែងក្លាយ និងស្នើឱ្យចាត់វិធានការលើជនដែលក្លែងបន្លំព្រះរាជក្រឹត្យ
ភ្នំពេញ៖ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានប្រកាសបដិសេធនូវព័ត៌មានក្លែងក្លាយមួយ ជុំវិញការចែកចាយនូវព្រះរាជក្រឹត្យក្លែងបន្លំមួយតៗគ្នានាពេលថ្មីៗនេះ។
គួរបញ្ជាក់ថា ខ្លឹមសារនៃព្រះរាជក្រឹត្យក្លែងក្លាយនេះមានខ្លឹមសារដំឡើងឋានៈ ដែលបានប្រើប្រាស់ងាររបស់លោកអភិសន្តិបណ្ឌិត ស សុខា ថាជា «សម្តេចព្រះមហិស្សរា អភិសន្តិបណ្ឌិត ស សុខា» និងត្រូវដំឡើងឋានៈទៅជា «សម្តេចក្រុមព្រះ អភិសន្តិបណ្ឌិត ស សុខា»។
ទន្ទឹមនឹងការច្រានចោលព័ត៌មានមិនពិតនេះ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក៏បានស្នើឱ្យអាជ្ញាធរមានសមត្ថកិច្ចស្រាវជ្រាវដើម្បីនាំខ្លួនជនដែលបានក្លែងព្រះរាជក្រឹត្យខាងលើយកមកផ្តន្ទាទោសទៅតាមច្បាប់ផងដែរ៕
